Bandang 11:30pm nuong nakaraang Sabado nagtext sa akin ang isang kaibigan ko, "gising ka pa?" Pagkasagot ako tawag agad siya para ipahayag ang mabuting balita, "hulaan mo kung sino kasama ko ngayon buong araw?" Ang sagot ko ay ang mabuti niyang kaaway kaya mali ang sagot ko. "Si Anne Curtis magkasama kami kanina!" Isang beses lang niya sinabi pero gusto niyang mag-echo ito ng paulit-ulit -- "Si Anne Curtis magkasama kami kanina." "Si Anne Curtis magkasama kami kanina.""Si Anne Curtis magkasama kami kanina.""Si Anne Curtis magkasama kami kanina." Nagpunta daw si Anne Curtis kasama ang kapatid niya na mag-aaral dito. Sinamahan daw ng kaibigan ko na mamasyal. "Ba't di mo ako tinawagan? Buong araw akong walang ginagawa!" sabi ko. "Malayo ako eh" alibi niya. "Aalis na siya bukas ng umaga" pag-aassure niya na wala ng tyansa na mameet ang dati kong crush na naging kampanerang kuba.
Nanghihinayang lang ako kasi malaking kawalan para kay Anne Curtis ang 'di niya ako mameet. Nameet ko na siya 2 years ago (May 11, 2003, 11.30am..hehe) kung saan ako lang ang bumati sa kanya. Hindi kasi alam ng mga tao dito a artista siya sa Pinas. Kung saan halos isang oras ko siyang tinitigan. Kung saan nag-group picture taking kami at nasa likod niya ako. Dahil di ko kakilala ang may ari ng camera hanggang ngayon imagination pa rin ang picture namin.
Nanghihinayang lang ako para sa kanya kasi hindi niya ko nameet uli. Kawawa naman siya. Siguro iniisip niya ako ngayon., kawawa naman. Sana naman ay 'di siya gaanong maapektuhan sa pag-limot sa akin ng kaibigan ko.
"Anak, ikaw nga anak, matulog ka na. At ano yan?!? Gabing-gabi eh nagdeday-dreaming ka. Hala tulog na!"
Totoo bang narinig ko ito? Oopps sorry po. Good night..
No comments:
Post a Comment